‘An Béal Bocht’ le buachan!


Tá gliondar ar ‘An Tuairisceoir’ comórtas nua a reáchtáil i gcomhpháirtíocht leis ‘An Siopa Leabhar’.

Is é an duais ná an leagan grafach den leabhar clúiteach ‘An Béal Bocht’.

Seo leagan grafach de ‘An Béal Bocht’ le Myles na gCopaleen déanta ag Cló Mhaigh Eo, cóirithe ag Colmán Ó Raghallaigh agus maisithe ag John McCloskey.

an-beal-bocht

Meastar go forleathan gurb é ‘An Béal Bocht’ ceann de na leabhair is fearr a foilsíodh riamh i nGaeilge agus seo leagan iontach den leabhar céanna.

Chun cur isteach ar an chomórtas, níl le déanamh ach inse dúinn cén leabhar Gaeilge is fearr leat riamh agus cad chuige (2/3 líne). Níl le déanamh ach trácht a fhágáil i mbosca tráchta thíos.

Roghnóidh moltóir neamhspleách an freagra is fearr agus gheobhaidh an duine sin an leabhar – tá sé chomh simplí sin.

Beidh an comórtas oscailte go dtí 12:00 Dé Luain 29 Aibreán!

Ádh mór oraibh!

406885_472529129465122_1442979011_n

Is siopa leabhar Gaeilge é ‘An Siopa Leabhar’ i mBaile Átha Cliath, bunaithe i bhfoirgneamh stairiúil de chuid Chonradh na Gaeilge ag 6 Sráid Fhearchair, BÁC 2.

Is féidir iad a fháil ar líne ag http://www.cnagsiopa.com/

Ar an bhfón – (01) 475 7401
Ar fhacs – (01) 475 7844
Ar rphost : siopa@cnag.ie

9 dtuairim ar “‘An Béal Bocht’ le buachan!

  1. An leabhar is fearr atá léite agam ná Lig Sinn i gCathú le Breandan Ó hEithir. Tá an scéal féin lomlán le mórcharachtair is cathair ina steillebheatha, ach thar aon ní eile tá sé dána, dalba, barrúil, barrmhagúil, is ríghreannmhar. An té nár leigh fós é níor léigh sé fós leabhar a dhiongbhála.

  2. An leabhar is fearr atá léite agam ná An Béal Bocht. Léigh mé é díreach i ndiaidh “An tOileánach” agus chuir an aoir agus an greann ag gáirí os ard mé. Tá lón machnaimh ann freisin faoi phobal na Gaeilge agus na Gaeltachta. Sár-scríbhneoir a bhí i Myles na gCopaleen.

  3. Sceon na Mara le Liam Ó Muirthille an leabhar Gaeilge is fearr a léigh mé le tamall. Scéinséar a raibh ann a raibh idir dea scéalaíocht agus dea litríocht ann a shasódh an t-é is airde caighdeáin leitheoireachta. Cothrom na hÉireann de Wallander é an Bleachtaire Hennessy agus bhí an srathdhúnmharfóir a raibh á fhiosrú aige iomlán inchreidte….

  4. Is fearr liomsa “Rotha Mór an tSaoil” le Micí Mac Gabhann toisc go gceanglaíonn sé ar dóigh iontach saol in Éirinn le saol i Meiriceá. Agus na fir ina bhfolach sa traein earraí i dtreo Yukon agus cruatan is contúirt rompu, bíonn siad ag canadh amhrán álainn as Tír Chonaill. Is cuma gur tharla sé breis is céad bliain ó shin óir sáraíonn dea-mhianach na bhfear sin teorainneacha an ama agus an spáis.

  5. An leabhar Gaeilge is ansa liom faoi láthair ná “Mise”, le Colm Ó Gaora. Is féinbheatháisnéis é, dírithe ar an dtréibhse ó dheireadh an 19ú aois go dtí Cogadh na Saoirse. Mar ghasúr ag cónaí i Ros Muc, mar thimire do Conradh na Gaeilge, mar bhall don IRB agus mar Óglach in airm na hÉireann, chonaic an t-údar go leor eachtraí spéisiúla i stair na tíre. Áfach, ní amháin go bhfuil rudaí suntasacha feicthe aige, tá sé ábalta cur síos fileata a thabairt dúinn ar gach rud a bhfuil le feiceáil aige le linn an tréibhse seo. Tá léargas maith tugtha aige ar na eachtraí a chonaic sé, rud a chuireann go mór leis an leabhar. Is rud iontach é cuntas staire mar seo a léamh!

  6. ‘Sé an leabhar Gaelainne is ansa liom ná “Mo Sgéal Féin”, an t-Athair Peadar Ua Laoghaire do scríobh. Sean-leabhar atá ann ach do bhaineas-sa ana-shult as mar tugann PUL cur síos iontach ar an saol mar a bhí tráth dá raibh sé ag freastal ar mo scoil féin, Coláiste Chomláin, agus ar saol go ginearálta i gceantar Mhainistir Fhear Maí agus sa dúthaigh máguaird…

  7. Is é an leabhar is fearr a léigh mé sa Ghaeilge ná ‘Deoraíocht’ le Sean-Phádraic Ó Conaire. Chuaigh beachtaíocht Uí Chonaire i leith an tsaoil sa mbaile mór isteach orm go mór. Sampla foirfe atá ann de leabhar uaidh scríbhneoir Gaeilge cumasach a múnlaíodh ag traidisiúin liteartha na hEorpa agus nár sheachain lomnochtadh na fírinne ariamh.

  8. Is é an leabhar is fear a léigh mé ná Cith is Dealán, bailiúchán iontach de scéalta Uí Ghrianna. Thaitin sé go mór liom. Is é an fáth gur léigh mé é nár gur chuala mé dea-scéal go raibh tionchar ag Ó Grianna ar Bhrian O Nualláin, is scríbhneoir den scoth an bheirt acu.

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach /  Athrú )

Peictiúr Twitter

Is le do chuntas Twitter atá tú ag freagairt. Logáil Amach /  Athrú )

Pictiúr Facebook

Is le do chuntas Facebook atá tú ag freagairt. Logáil Amach /  Athrú )

Ceangal le %s