Abair liom, cén fáth an Béarla?


Cad chuige a thógann Gaeilgeoirí, sa Ghaeltacht agus san iar-Ghaeltacht, a gcuid páistí le Béarla?

Sin ceann de na ceisteanna a rinne mé iarracht a fhiosrú le linn mo thréimhse mar iriseoir – téann an t-ábhar go heithne cheist na Gaeilge.

Ceist an-phearsanta is ea é, ro-phearsanta le cur ar dhaoine go díreach, cé gur minic a rinne mé iarracht, is gann na freagraí a fuair mé riamh áfach. Is tabú é an t-ábhar seo i saol na Gaeilge, mar a dúirt Fachtna Ó Drisceoil tráth.

Is minic an cheist á plé ag teaghlaigh Gaelacha eadartha féin, a teacht aníos le teoiricí agus cúiseanna samhalta.

Dúirt Uachtarán Chonradh na Gaeilge, Niall Comer, rud éigin thar a bheith ciallmhar liom ar na mallaibh ar Facebook:

“Maidir le Gaeil nach dtógann a gcuid páistí le Gaeilge b’fhearr i bhfad an cheist a chur orthu féin go díreach- iadsan is fearr a thabharfaidh freagra- ní bheadh i gceist leis an cuid eile againn ach tuairimíocht nach bhfuil aon bhunús againn léi.”

Ceart ar fad aige.

Tá mise i mbun taighde i láthair na huaire ar phobal úra Gaeilge sa iar-Ghaeltacht, rud atá ceangailte go hiomlán le ceist aistriú teanga trasglúine / tógáil páistí le Gaeilge – mar sin an fáth a dhéantar iad.

Ba bhreá liom a chloisteáil ó Ghaeilgeoirí a thóg a gcuid páistí le Béarla amháin chun tuairimí s’acu a bhailiú – faoin rún agus go hiontofa (más é sin an rud atá uait).

An raibh cinneadh i gceist nó ar thárla sé go nadúrtha? An bhfuil sibh sásta leis an chinneadh? An raibh bunús íde-eolaíochta leis?

An bhfuil sé “mímhacánta agus mímhorálta ag an Stát a bheith ag iarraidh ar thuismitheoirí Gaeltachta páistí a thógáil le Gaeilge gan an tacaíocht chuí a chur ar fáil dóibh?” mar a dúirt Seosamh Mac Donncha.

An é go bhfuil a rás rite ag an Ghaeilge mar chéad-theanga?

An é go bhfuil na daoine a thóg páistí le Gaeilge mícheart?

An é go ndearna tú iarracht ach gur chlis ort?

Níl a fhios agam – ach ba mhaith liom scéalta an tslua a chloisteáil – tá sé riachtanach domh gach taobh den scéal a cloisteáil.

Is é mo rphost ná ciarandunbar – aige – outlook.com

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach /  Athrú )

Peictiúr Twitter

Is le do chuntas Twitter atá tú ag freagairt. Logáil Amach /  Athrú )

Pictiúr Facebook

Is le do chuntas Facebook atá tú ag freagairt. Logáil Amach /  Athrú )

Ceangal le %s