Ó Lubhlaí – Athbhreithniú de dhíth ar na fiosrúcháin

Tá an Rape Crisis Network Ireland (RCNI) ag iarraidh ar Choimisinéir na nGardaí athbhreithniú críochnúil a dhéanamh ar na próisis fiosrúcháin maidir le Domhnall Ó Lubhaí.


Deir stiúrthóir feidhmeannach an RCNI Fiona Neary, “Mr Ó Lubhlaí has allegations against him that date from 1955 up to the present day. It appears that at least two opportunities in 1991 and 1998 were presented to the Gardaí to investigate allegations against this very influential and powerful figure.

“We ask the Garda Commissioner to ensure a full review to ascertain if the Gardaí utilised the opportunity of the investigation in 1991 to examine whether abuse had taken place, as was practiced elsewhere in such incidents eg in the investigation and conviction of Fr Eugene Greene. Questions also surround the loss of vital evidence from this 1991 case which then impacted on an investigation in 1998, when five men came forward and reported sexual violence by Ó Lubhlaí.

“It is vital that all allegations of sexual abuse are investigated fully by authorities in order to ensure the best response to survivors and to prevent future acts of sexual violence being committed by perpetrators.

“We commend the victims who came forward in 1998 and more recently. Support is available from Rape Crisis Centres across Ireland for survivors or their loved ones or communities who may be struggling with the impact of this case.”

Dar le tuairiscí maidir le torramh Uí Lubhlaí, thuairiscigh muid nach raibh ach tuairim ar fiche duine ag a thórramh. Tuigtear dúinn anois go mbaineann an figiúr sin leis an líon duine a sheas ag uaigh Uí Lubhlaí.

Deirtear linn go raibh go an seipeal féin “lán”. Arsa fear a d’fhreastail ar an torramh gur chreid sé na líomhaintí uilig ach go ndeachaigh sé chuig an tórramh de bhrí go raibh trua aige do Dhomhnall Ó Lubhlaí.

Rinne Ó Lubhlaí ionsaithe ar Stiúrthóir an Oireachtais

Anocht ar TG4, léirigh duine de na Gaeilgeoirí is aitheanta sa tír, Liam Ó Maolaodha, Stiúrthóir Oireachtas na Gaeilge, go ndearna Domhnall Ó Lubhlaí ionsaithe gnéis air agus é ina dhéagóir.

Ba é seo an dara pháirt den tuairisc shuntasach chumhachtach seo curtha le chéile ag an iriseoir Sorcha Ní Mhonacháin. Baineadh siar as go leor daoine maidir le hábhar na tuairisce sin.

[http://www.tg4.ie/ie/player/tg4-player.html]

Labhair fear gan aithne, a bhí mar dhalta ag Ó Lubhlaí ar ghairmscoil i gCluain Dolcáin, Baile Átha Cliath ar na hionsaithe a rinne Ó Lubhlaí air.

Mhínigh sé gur cheannaigh Ó Lubhaí brandaí dó ar a mbealach siar go Ros Muc, Conamara. Fuarthas nach raibh ach leaba amháin sa tseomra ina raibh siad le fanacht ann, is léir faoin am seo gurb sheanchleas Uí Lubhlaí é seo, é luaite ag íospartach i ndiaidh íospartach.

Mhínigh sé gur chuir Ó Lubhlaí a lámh ar réigiún a bhall giniúna is gur rug sé greim ar a lámh chun iachall a chur air a dhéanamh amhlaidh.

Fear cróga, stiúrthóir an Oireachtais, Liam Ó Maolaodha
Fear cróga, stiúrthóir an Oireachtais, Liam Ó Maolaodha

Is as Cluain Dolcáin i mBaile Átha Cliath é Liam Ó Maolaodha. Bheadh aithne ag an saol gaelach air de bhrí gur eisean an stiúrthóir ar Oireachtas na Gaeilge.

In agallamh lán mothúcháin, léirigh sé go ndearna Ó Lubhlaí ionsaithe gnéis air agus é ina dhéagóir.

Rinneadh na hionsaithe air Liam Ó Maolaodha in árasán Uí Lubhlaí, arís, tar éis an teach a bhaint amach ina dhiaidh dóibh a bheith i gClub an Chonartha, áit ar cheannaigh Ó Lubhlaí deochanna meisciúla dá dhalta scoile, léiríodh nach raibh ann ach leaba amháin sa teach.

Bhí Liam ag fanacht le hÓ Lubhlaí an deireadh seachtaine tar éis don Lubhlaíoch a rá lena mháthair go raibh sé de dhíth air chun cuidiú leis le jab éigin.

Rinne Ó Lubhlaí ionsaithe gnéis ar Liam an oíche sin agus an oíche dar gceann. Lean na hionsaithe ar aghaidh ina dhiaidh sin, in áiteanna ar fud na tíre.

Níos moille anonn, thug Ó Lubhlaí postanna do Liam i gColáiste na bhFiann i Ros Muc mar cheannaire agus faoi dheireadh cheap sé Liam mar bhainisteoir ar Choláiste na bhFiann.

Léirigh Liam Ó Maolaodha nach raibh sé riamh ábalta dul chuig na Gardaí mar gheall ar na hionsaithe áfach. Ní raibh sé ábalta míniú a thabhairt air sin.

Nuair a chuir na Gardaí ceist ar Liam Ó Maolaodha, tar éis d’fhear eile líomhaintí a dhéanamh,  má rinne Ó Lubhlaí ionsaí air, d’fhreagair sé nach ndearna.

Bhí an-aiféaltas air nár inis sé an fhírinne ach shíl sé go raibh go leor cúiseanna i leith Uí Lubhlaí chun é a chur chuig príosún.

Níor ciontaíodh riamh Ó Lubhlaí i gcúirt ach cibé amhras a bhí fágtha maidir leis na líomhaintí seo, tá siad imithe.

Gan dabht, ár Jimmy Saville féin a bhí ann mar Dhomhnall Ó Lubhlaí agus is léir anois go gcloisfidh muid i bhfad níos mó scéalta den chineál seo sna seachtainí atá amach romhainn.

Féach chomh maith.

Labhraíonn Íospartaigh Uí Lubhlaí amach

Labhraíonn Íospartaigh Uí Lubhlaí amach

I dtuairisc an-chumhachtach leis an iriseoir Sorcha Ní Mhonacháin, labhair beirt fhear a dúirt go ndearna Domhnall Ó Lubhlaí ionsaithe gnéis orthu amach go poiblí ar Nuacht TG4 anocht.

Gearóid Ó Conchubhair ag caint ar Nuacht TG4 [Pic : Screengrab ó TG4]
Gearóid Ó Conchubhair ag caint ar Nuacht TG4 [Pic : Screengrab ó TG4]

Labhair Gearóid Ó Conchubhair as Co. Uíbh Fháilí (recte 15:20, 11/4/13]) , faoinar tharla dó.

Dúirt sé go raibh sé 13 nuair a d’ionsaigh Ó Lubhlaí ar dtús é.

Coicís sula bhfuair Ó Lubhlaí bás, labhair Gearóid Ó Conchubhair leis na Gardaí maidir leis an chás.

“Seanteach a bhí ann, tine mhór oscailte istigh ann, ní raibh ach dhá sheomra sa teach, ní raibh aon rogha ach go raibh orainn leapa a roinnt, is dócha nár smaoinigh mé mórán air,” a dúirt sé le Nuacht TG4.

“D’iompaigh sé orm, tharla an eachtra den chéad úr.”

“Is dócha gur mhair sé go raibh mé ag déanamh m’ardteist, go dtí [19]76 nó thart air sin, 3 bliana go leith a bhí i gceist.”

Cuireadh agallamh ar fhear eile chomh maith, fear a bhí ag iarraidh fanacht gan aithne.

“Thosaigh sé ag ceannach large brandys dom san Áras Pobail i Rath Cairn agus piontaí Smithwicks, ach ní raibh taithí mórán agam den a bheith ag ól large brandys ag an am,” a dúirt sé le Nuacht TG4.

Mhaigh Ó Lubhlaí leis an fhear seo nach mbeadh sé de rogha aige ach leaba a roinnt leis de bhrí nach raibh braillíní ar fáil ach ar leaba amháin sa teach ina raibh siad ag stopadh ann, rud nach raibh fíor dar leis.

“Bhí mé míchompordach leis sin ach ní dhúirt mé aon rud, ag am sin bhí muinín agam as.”

Rinne Ó Lubhaí iarracht é “a chuimilt” a dúirt an fear.

“Rinne sé iarracht mé a éigniú.”

Fuair Ó Lubhlaí bás trí seachtaine ó shin faoi scáth líomhaintí go ndearna sé ionsaithe gnéis ar bhuachaillí óga, líomhaintí a shéan sé i gcónaí.

Leanfar leis an tuairisciú ar an chás seo ar Nuacht TG4 san oíche amárach.

Féach chomh maith.