Coon lhien!

Coon lhien! Foddee oo cur cooney da’n ynnyd-eggey shoh.

Ta failt roish skeealyn, artyn tuarymagh, caslyssyn as smooinaghtyn.

Ta shin shirrey cooney oaylleeyn eddyrlhieen, margeeaght as Yernish chammah.

Ta shin shirrey cooid ‘sy Ghaelg as Gaelg Albinagh chammah.

Ta shin laccal coreggyree Albinagh er son ynnyd-eggey naightyn arryltagh – she screeu ‘sy Ghaelg Albinagh t’ayn.

antuairisceoir@gmail.com

Costys y Niaghtee er yn Eirinys er Roshtyn £1m

T’eh er credjal dy nee yn emshir chreoi ayns Mee Vayrnt costal ny smoo na £1, rere y Shirveishagh Eirinys.

Kirree coodit liorish sniaghtey

T’eh raait ec Phil Gawne, yn Shirveishagh Eirinys, dy ren builley yn gheyre-emshir er yn Ellan ayns Mee Vayrnt y vlein shoh roshtyn £1m.

Ta ny smoo na 3,200 dy chonveyrt – 3,000 keyrrey as 200 ollagh – aachoodit roish shoh, agh t’eh er credjal dy nee yn earroo shen roshtyn 8,000 harrish ny shiaghtinyn shoh çheet.

Agh nee shen jerrey yn skeeal: t’eh er ooley dy dooar mysh 10% jeh kirree yn Ellan baase as adsyn er ny ve coodit liorish sniaghtey, as mysh 70% er nyn goayl ec eirinee er lheh.

Myrane lesh y chostys shen, t’eh er credjal dy nee eirinee Vannin jeeaghyn er co-choayl çheet-stiagh ny smoo na £750,000 roish jerrey yn vlein myr eiyrtys er y drogh emshir.

By ayns Mee Vayrnt y vlein shoh y tuittym sniaghtee s’trimmey veih’n vlein 1963, rere oik emshyraght yn Ellan.

Geyre-chooish egin ayns Roonysvaie

Hie geyre-chooish egin er ny fogrey magh ayns Roonysvaie, moghrey jiu.

flybe400
Flybe 400

 

Ren coontyssyn mychione soar jaagh ec 9:30 ‘sy voghrey ayns cabbane yn etlagh Flybe Q400 veih Manchuin cur rish y gheyre-chooish. Va 46 troailtagh as kiare ‘sy skimmee er boayrd ec y traa.

Emergency landing at Ronaldsway – This report is in Manx Gaelic!

 

Myrane lesh ny greienyn-aile ec y phurt aer, haink greienyn dys Roonysvaie veih Doolish, Purt Çhiarn as Balley Chashtal.

V’eh recortyssit d daink y Q400 gys y thalloo dy sauailtagh ec 9:35 gyn guintagh.