Nuaíocht Oirialla 130215

Mar a bhíothas ag súil roghnaíodh Justin McNulty le seasamh ar son an SDLP go foirmeálta an tseachtain seo.

Seasfaidh sé mar iarrthóir i dtoghcheantar an Iúir agus Ard Mhacha sa toghchán Westminster ata le teacht i mí Bhealtaine.

Tá cuntas Twitter ag dul ag an iar-imreoir peile a bhain bonn Uile Éireann le hArd Mhacha in 2002.

Deir sé air, “The people of Newry and Armagh have lost their voice at Westminster. We will re-capture the voice of this constituency!”

**

Tuigtear go mbeidh ar chomhairleoirí an SDLP ar chomhairle an Iúir agus Múrna a mhíniú cén fáth nár newry parkwwchuir siad in éadan ainm na páirce súgartha ar an Iúir ainmnithe in onóir an stailceora ocras, Réamann Mac Raois.

Char fhreastail ach Comhairleoir SDLP amháin as naonúr ar chruinniú coiste ar an ábhar agus char chaith an comhairleoir sin vóta.

Dar leis an SDLP beidh fiosrúchán inmheánach ar an ábhar seo agus go bhfuil an-díomá orthu nár réitíodh an t-ábhar conspóideach seo

Tá fáilte curtha ag Sinn Féin roimh toradh an chruinnithe áfach.

Tá aontachtaithe ar buille faoi – dar leo gur masla atá ann d’íospartaigh a d’fhulaing mar gheall ar fhoréigean poblachtach.

**

Nuaíocht na Gaeilge anois

Beidh tráth na gceist Gaeilge CLG Ard Mhacha ar siúl do chlubanna Ard Mhacha Dé hAoine 27 Feabhra ar 9pm ag Cumann Chlann na nGael ar an Lorgain.

**

Beidh Ceardlann ar Scéimeanna Maoinithe Fhoras na Gaeilge á tabhairt ag Caoimhe Ní Chathail agus Caoimhín Ó Cadhla, beirt oifigeach de chuid an Fhoras na Gaeilge, i nGaeláras Mhic Ardghail ar an Iúir Luan 23 Feabhra idir 6-7i.n.

Beidh cur i láthair acu beirt agus seisiún le ceisteanna ina dhiaidh.

Déanfar plé ar An Scéim Óige, Scéim na gCampaí Samhraidh, Scéim Gréasanaíochta agus Scéim Tacaíochta do Ghnó agus féidearthachtaí eile nach iad.

Nuaíocht Oirialla 230115

Fuasclaíodh ‘Páirc na Mara’, ionad nua Gaeilge agus Pobail in Áth na Long Co. an Dúin go hoifigiúil B79tyfwIUAAKI5oDéardaoin na seachtaine seo.
Bhí Uachtarán CLG Liam Ó Néill i láthair ag an fhuascailt.
***
Sheol an tAire Oideachais John O’Dowd leagan Gaeilge den áis oideachais ‘C2k Newsroom’ i mBunscoil an Iúir Déardaoin.
Is áis nuaíochta do scoileanna a forbraíodh i gcomhar leis an Áisaonad i gColáiste Mhuire é C2k Newsroom.
Cha rabh sé ar fáil ach sa Bhéarla go dtí seo.

***
Táthar ag súil go gcruthófar 90 poist nuair a fhuasclófar óstán 40 liobaidh i gCill Shléibhe.
Táthar ag súil go ndéanfar pleananna chun caisleán Chill Shléibhe nó Caisleán Bell mar a thugtar air a thiontú ina óstán a fhaomhadh an mhí seo chugainn.
**
Dar le Gerry Adams is é an t-aon dóigh le deireadh éifeachtach a chur le calaois breosla ná deireadh a chur leis an difear sa phraghas idir dhíosal talmhaíochta agus díosal do ghnáth-úsáid.
Dar leis an TD do Contae Lú caithfidh an rialtas córas nua a a thabhairt isteach a ligfeadh do fheirmeoirí aisíoc a iarraidh ar chostais breosla s’acu.
Rinne sé an ráiteas in éis go bhfuarthas 40,000 lítear de dhríodar a bhaineann le calaois díosail ar leantóir a fúigeadh ar thaobh an mhótarbhealaigh, díreach ar an teorainn ag Droim Fhada.

**
Tá 140 duine i gCarraig Mhachaire Rois le poist s’acu a chailleadh mar gheall ar dhruidim monarchan ar an mbaile.
Rinneadh fógra an tseachtain seo go bhfeil an t-ionad Bose ar an bhaile le dúnadh, áite a rabh siad fostaiste.
**
Nuacht na Gaeilge anois …

Ranganna Gaeilge in Áras na nGael in Ó Méith Mara.

Bunrang agus Meánrang, Dé Céadaoin ar 7.30.

Ardrang, Déardaoin ar 7.30.

Beidh orainn íoc as nuacht RTÉ a léamh ar líne

Agus é beartaithe ag RTÉ Raidió na Gaeltachta agus Nuacht TG4 (RTÉ) seirbhís nuachta ar líne a fhorbairt agus ráflaí i mbéal an phobail go bhfuil sé i gceist ag Foras na Gaeilge sin a mhaoiniú, tá casadh nua ar an scéal.

Tá sé á thuairisciú go bhfuil sé ráite ag árd-stiúrthóir RTÉ, Noel Curran, go mbeidh ar dhaoine íoc as ábhar ar líne go luath agus nach féidir é a scaipeadh saor in aisce níos mó.

Dúirt Curran le hábhair iriseoirí in Ollscoil Luimnigh go mbeadh ar dhaoine a amharc ar nuacht agus ar mheáin ar líne íoc as – mar tá bailitheoirí nuachta (‘news aggregators’ – díreach cosúil leis an tuairisc seo) á thógáil saor in aisce ach go raibh costais le híoc ag na bun-tháirgeoirí.

firewall
An mbeidh an t-idirlíon uilig taobh thiar de ‘Firewall’ sa deireadh?

Ní féidir mórán amhras ná go raibh sé ag déanamh tagairtí do leithéidi thejournal.ie.

Léirigh sé go mbeidh RTÉ ag gearradh airgead ar úsáideoir a suímh atá thar sáile roimh dheireadh na bliana – ní fios cá bhfágann sé sin bunadh na Sé Chontae.

Tá buncheist ann i gcónaí agus bhí ó cuireadh tús le nuacht ar líne – ar cheart go mbeadh ar dhaoine íoc as iriseoireacht nó an mbeidh deireadh leis mar cheard?

Ar cheart do Fhoras na Gaeilge RTÉ a mhaoiniú?

Chuir muid ceist ar léitheoirí ‘An Tuairisceoir’ ní ba luaithe an mhí seo – Ar cheart do Fhoras na Gaeilge RTÉ a mhaoiniú? Seo anois na freagraí …

Níor cheart – monoplacht stáit a bheadh ann       50%

Níor cheart – airgead an tuaiscirt atá i gceist chomh maith              18%

Ba cheart – seirbhís den scoth a bheadh ann        14%

Eile :       14%

Níl a fhios agam 1             5%

Ba cheart – níl aon rogha eile acu               0             0%

Seo na freagraí ‘eile’

Níor cheart – ba chóir do RTÉ an seirbhís a chur ar fáil go dátheangach pé scéal    1

Tá dualgas ar RTÉ cheana féin seirbhís i nGaeilge a sholáthar ar líne           1

Níor cheart, foras stáit é cheana!